متنبي العصر / أحمد محمد حلواني / البساط أحمدي

(البساط أحمدي )
 
يا قوي  الضعيف  ويا ضعيفي  القوي
كـيـف  اسـوي معـاك وحيلتي في يدي
 
يوم تمشين اسمع صوت ضرب ودوي
يـخـتـلط  يـومي الظامي بأمسي وغدي
 
يـطـعـن  الـقـلب   صدرن  فاتنن  ملتوي
ويــذبــح العـين خاالن  وسط  خدن  ندي
 
يـشبه  المـوج صـدرك في طلوع انثوي
ويـشـبـه الـبـدر  خدك في مسا سرمدي
 
والـغـنـاجه     غزالن    فاتنن    نينوي
والـعـيــون    النوااعس  تفتن  المهتدي
 
كنك   الا   سفينه    قادها   فوضوي
ماتبالي    بهدنه     لا بغت    تعتدي
 
اعرف  ان  الفـواكه  بعضها   فـصلوي
واعرف ان الجدي هو غير برج الجدي
 
وإنت طول السنه خوخك  حمر نخبوي
مير قطفه  صـعـيب وعن  يديني  مدي
 
إن بغيت احتويه اعجزت  ويش احتوي
وان تـركـتـه ورقدت   آفز  من  مرقدي
 
كل  ما قلت  بقطف  استحي وانزوي
وكل ماقلت بشرب عدت ظامي صدي
 
هيه  يا بنت ماني  شخص  ما يرعوي
الله  اللي  حــباني الشعر  من مولدي
 
ما تشوفين   عاشق    يالغلا   مكتوي
فوق  ماهو   معذب  حظ   عاثر  ردي
 
ما يبيع    المحبه    والموده     خوي
ما يبيع    المحبه  غير  شخص انكدي
 
خافي   الله    فيني   الشديد  القوي
عادني  في   غرامك   توني   مبتدي
 
كني  اليوم  طالب  مستحي  منطوي
كل ماقمت باسأل  عدت في  مقعدي
 
خافي   الله    فـيـني   الشديد  القوي
عادني  في   غرامك   توني   مبتدي
 
يا تجي  درب  واحد  نسلكه  مستوي
يا تروحين   عني   والبساط   أحمدي
 
شعر
أحمد بن محمد حلواني
القنفدة   غادة الجنوب
غادة الشطآن    الغادة