متنبي العصر / أحمد محمد حلواني / خذها من الآخر

(   خذها من الآخر  ) 
لا تصحب   الأردى  ولا تتبع   اللاش
واهل  الوجوه   العابسه   والكليحه
 
واحذر تصاحب  لك  منافق  وغشاش
ولا  تشارك   في  انتشار  الفضيحه
 
وابعد عن اللي صحبته تشبه الشاش
واحذر  من  الحرمه  اللئيمه القبيحه
 
واحذر تسوي بالوفي طاش ماطاش
ولا   تعذب    لا    ذبحت    الذبيحه
 
خلك من  اللي هزلها  عود وخشاش
وخلك    من    المترديه   والنطيحه
 
واحذر  تظلي   للفتن   دوم   نباش
وابعد   عن  الغيبه   وحب  المديحه
 
واترك مدور  شر  راعي   تمحراش
اللي   بشره   ريحته   خس   ريحه
 
صاحب خيار الناس مو ناس فشفاش
واظفر بذات  الدين  واعشق  مليحه
 
واجلس مع اللي دايم الدوم لك باش
راعي المواقف  والمبادي الصحيحه
 
اللي  ليا  شاف  الخنا قام  وانحاش
لا  وانفرد   واسدى  إليك  النصيحه
 
لا كذب  في  حكيه  ولا  هو  بنفاش
راعي  الهروج   الطيبه   والصريحه
 
خذها  من  الآخر  بلا  هرج  ونقاش
جتك  العلوم  وجاك  عذب  القريحه
 
لا تشتري بالدين  خلك  مع  الكاش
ولاتضيق   والدنيا   امامك  فسيحه
 
شعر
أحمد  محمد  حلواني
القنفدة  غادة الجنوب