الشاعر / أحمد محمد حلواني / حكم

حكم  / شعر
 
أحمد محمد حلواني

تدري  وش اللي لاحصل  قل  قدرك
مطااوعة أهل الفتن  والسفااااهاات

وتدري  وش اللي لا حملته  بصدرك
لجلك تصونه من بلاوي الاشااااعاات

يرفعك  ويصووونك  ويجنح   بفكرك
ويطمن اللي لك  معاااهم علاقاااات

سرن عطاك انسااان واجزل بشكرك
وإنته عطيته بعد عهدك ضمااااناااات

وتدري وش اللي يرفع اليوم  ذكرك
تلاااااوة  القرآن  في كل  حزاااااات

وتدري وش اللي يوضع اليوم وزرك
تستغفر  الرحمااان  من كل زلااااات

صلي   وزكي   واطلب   الله  سترك
وامسك لسااانك عن خطايا وعثراااث

وعينك   ليا  منها   تبي   بس  قهرك
اغضض وقل للعين لي فيك عوراااات

وصووووم  حتى تكسب  اليوم  أجرك
واحرص على الطاعه وباقي العبادات


وتدري وش اللي مااا نفع فيه عذرك
لا صرت في مجلس نشامى وسادات

وإنته على الجوااااااال مدك  وجزرك
والناس  تنظر  بين  ناااقد  وشمااات

وإن كلمك  مخلوووق  تعطيه  ظهرك
ترى  القفا  أكبر مصيبه على الذاات

خلك  رزين  وصوون  قولك  وشعرك
واعرف ترى آدااااب  كل الزيارااااات

بالمختصر  هذي  حكم  وإنت  بامرك
تترك  وتاخذ  ما تبي  بالسهااااالاات
  
الله    من    يعلم    بسرك   وجهرك
والحر   يكفيه  النظر  والإشاااراااات